ONDAE IS TYD VIR INTIMITEIT EN KONNEKSIE MET GOD
Sondae se dienstye is as volg:
08h30 Klassieke Diens (Kusweg)
09h30 Familiemoment* (Lofsentrum)
10h00 Familiediens (Lofsentrum)
18h00 Koffiekroeg* (Lofsentrum)
* Slegs gedurende Skoolkwartale
Streekindeling Predikante - Vir pastorale versorging kan die predikante as volg gekontak word:
Ds. Melissa Hoffmann: Streke 2, 4, 6, 8 & Summervale
Ds. Johan Botes: Streke 1, 3, 5, 7, 9 & Summervale
Indien u nie die PDF dokumente hieronder kan lees nie, kan u
Adobe Acrobat Reader aflaai by: https://get.adobe.com/reader/
Gemaklik klassiek, met musiekbegeleiding deur klassieke instrumente, veral orrel. Voorsang begin om 08h15.
Geloof word primêr binne die huis en deur ouers aan hulle kinders oorgedra. Om kennis te hê oor die Bybel en die Christelike geloof is belangrik, maar hoe ouers hulle geloof leef, daaroor praat en dit met ander deel is wat geloof by kinders vorm. Tydens die skoolkwartaal skep ons 'n geleentheid, voor elke diens, vir ouers om met hulle kinders oor geloof en die lewe te gesels aan die hand van aktiwiteite en pret. Hierdie geleenthede word ingerig as oefenspasies vir huishoudings om te ontdek dat dit nie moeilik is om oor geloof te gesels nie en vir ouers geleenthede te gee om vir kinders te wys hoe dit lyk wanneer ons geloof leef deur saam te bid, te leer, te aanbid en te skep.
Minder tradisioneel met musiekbegeleiding deur kontemporêre sowel as klassieke instrumente. Dieselfde tema word by die Familidiens aangebied as wat by Kusweg aangebied is.
Die Familiemoment soos hier bo beskryf gaan die diens vooraf, waarna Lofprysing volg. Tema-gedrewe inkleurprente word vir kleiner kinders beskikbaar gestel, en die tafels agter in die saal is beskikbaar om die kinders besig te hou (onder toesig van ouers / voogde) indien die diens dalk bietjie lank vir hulle word.
Ons leef in 'n wêreld wat vinnig verander en al hoe vinniger verander. Tieners moet in hierdie vinnige veranderende tyd nog uitvind wie hulle is, wat hulle met hulle toekoms wil doen en watter rol geloof daarin speel terwyl hulle vasgevang is in 'n onstuimige ontwikkelingsfase. Tydens die skoolkwartaal skep ons elke Sondagaand 'n geleentheid by ons Koffiekroeg waar tieners so bietjie kan asem skep, weer besef wat belangrik is en hopelik ook ontdek wie hulle is en waartoe hulle geroep is binne 'n verhouding met God. Deur saam gesels, saam bid, saam speel en saam werk, wil ons 'n spasie skep vir ons tieners om hulle identiteit en roeping saam te ontdek.
